老友記

金勞詹講股：大笨象無運行
13/02/2008

前 日 港 股 鼠 年 首 日 開 市 ， 罕 有 地 開 唔 出 紅 盤 ， 收 尾 仲 愈 跌 愈 急 ， 嚇 到 唔 少 小 股 民 心 慌 慌 。 外 號 「 金 牌 莊 家 」 金 融 服 務 界 立 法 會 議 員 詹 培 忠 就 預 言 ， 今 年 港 股 仲 會 波 動 過 坐 過 山 車 ， 香 港 市 民 如 果 想 賭 鋪 勁 ， 可 以 慳 番 過 大 海 船 飛 ， 留 番 香 港 玩 股 票 就 得 ！
每 逢 新 春 假 期 ， 金 勞 詹 就 算 唔 遠 道 去 美 國 賭 城 賭 鋪 勁 ， 都 會 近 近 去 澳 門 玩 兩 手 ， 不 過 由 於 佢 今 年 大 病 初 愈 ， 就 決 定 留 番 香 港 休 養 ， 所 以 今 年 係 佢 近 十 年 來 首 次 冇 出 外 過 年 。 佢 仲 港 股 開 市 當 日 ， 同 我 分 享 佢 點 睇 鼠 年 港 股 表 現 。
港 食 錯 藥 跟 美 減 息 ？
金 勞 詹 話 ， 香 港 本 身 根 本 冇 乜 產 業 ， 求 其 數 十 隻 所 謂 港 股 ， 閒 閒 有 七 、 八 隻 都 係 內 地 或 者 好 依 賴 內 地 同 海 外 市 場 企 業 ， 深 受 歐 美 經 濟 同 內 地 宏 調 影 響 ； 加 上 港 府 同 金 管 局 死 守 聯 匯 制 度 ， 令 到 香 港 喪 失 貨 幣 政 策 主 導 權 。 不 過 ， 依 家 內 地 因 為 經 濟 過 熱 同 通 脹 肆 虐 不 斷 加 息 ， 香 港 反 而 跟 隨 受 次 按 問 題 同 衰 退 陰 影 影 響 美 國 減 息 ， 名 副 其 實 係 食 錯 藥 ， 因 此 佢 估 今 年 港 股 都 仲 會 好 波 動 。
其 實 金 勞 詹 早 前 估 過 港 股 最 高 可 見 三 萬 六 千 點 ， 佢 冇 講 呢 個 目 標 係 咪 仲 存 在 ， 但 係 就 牙 擦 擦 話 ， 早 升 破 三 萬 點 時 ， 佢 已 經 叫 人 放 咁 一 半 貨 ， 贏 番 個 八 折 先 喇 ， 有 人 係 要 貪 到 盡 賺 足 十 成 ， 死 都 唔 肯 收 手 ， 依 家 輸 番 凸 就 唔 好 怨 佢 喇 喎 ！
講 到 今 年 邊 隻 股 有 景 、 邊 隻 股 無 運 行 ， 金 勞 詹 又 成 個 專 家 咁 話 ， 一 向 深 受 港 人 愛 戴 大 笨 象 豐 ， 早 前 大 升 市 期 間 ， 股 價 一 直 原 地 踏 步 ， 正 所 謂 「 升 市 升 唔 起 ， 跌 市 實 跌 死 」 ， 佢 當 時 已 經 猛 勸 朋 友 沽 貨 ， 扔 得 就 扔 ， 可 惜 好 多 人 聽 唔 入 耳 。 到 今 時 今 日 ， 佢 依 然 唔 睇 好 呢 隻 大 笨 象 ， 仲 奉 勸 廣 大 小 股 民 千 祈 唔 好 貪 平 亂 入 市 喎 。 跟 唔 跟 ？ 大 家 就 要 自 己 諗 過 度 過 喇 。
最 後 金 勞 詹 不 忘 語 重 心 長 奉 勸 大 家 ， 錢 財 只 係 身 外 物 ， 最 重 要 係 保 持 身 心 健 康 。 鼠 年 就 算 想 玩 股 票 ， 最 多 都 係 投 入 一 成 資 金 好 喇 ， 就 算 輸 晒 都 唔 驚 翻 唔 到 身 。 各 位 讀 者 記 住 喇 ！

肥佬

老友記

呢次慘咯!

肥佬

係呀！　

￠-￠

2

老友記

今日又趺

肥佬

16